|
Kattfiller
CD von Karl H. Falk.
Attendörner Kattfiller, sou sielt me alt sid viellen Johren,
as dai Tien schliemmer nou, as nu de unsen woren.
Wo hiär dat kümmet, dat is üewerall bekannt,
as ne Geschichte vam kurkölsken Siuerland.
Twi äl fhu n nert -tweientwintig,
Engelbert was Kurfürst tau diän Tien,
hevi van iähm dat Soester Staadtrecht krien.
Dai Attendörner buggeren ne Müer um de Staadt
un hett de Schweden, as se kamen, wahn verschwart.
Dat Liäwen blaumere in Hüsern, Staadt un op diän Stroten.
Hannel wor driewen, met d'r Hanse, diär alle veier Pooten.
Diär iähre Arwet harren Handwiärker un Kouplüe Gewinn,
se brachten iähre Saken no Engeland un Russland hien.
As Kurfürst Truchsess dann viär üewer veierhunnert Johren
verlangere, dat vi nu fortens alle lutht'risch woren,
do danzere hai met 'ner entloup'nen Nunne
hi op'm Kiärkhuaf rum, tau mirrernächt'gen Stunne .
Sine Zaldoten hett de Kiärke gründliek viseteiert
un alles, wat van Wert was, fortens konfiszeiert.
Do kraigen dai Attendörner ne Granaten-Wut
un schmäiten dai Kerls ut iährem Städtchen rut.
Dai laipen üewern Biärg, tau'r Burg, no Bilsten hien.
De Attendörner Stadtzaldoten tougen hiengerdrin
un hett siek bi d'r Burg nu op de Luer laggt.
Jo, do passeierde et dann ouk mirren in d'r Nacht:
Ut ennem Finstern houg im Touern
soh me wat Wirtet raffer lauem.
'Dat is de Truchsess!'
dachte dai Zaldot,
schout met d'r Armbrust,
nit met Schrout, un drap .
Nu kamen alle aangesprungen,
ne fette doue Katte laggte ungen.
Un ut d'r Burg do wor dann nou te hören,
dat se men blous Katten-Filler wören.
As Schimpwoort hiät siek dat
im Siuerlanne vielle Johre hallen.
Uns stört dat nit un vi daut kaimes diän Gefallen,
uns te iärgern.
Jo, vi sind stolt, vam Grouten bit taum Kind,
dat vi Attendörner KATTFILLER sind!
|
