 |
Sau ändert iärk de Tieen
von Hedwig Jungblut-Bergenthal
Wann me mol in stiller Stunne sau viär sik -
äuk in' ner Runde - sacht, besinniek innehälet,
wann dal Allen mol verteilet wat frögger wor, was dündag iß,
dann iß äinte gans gewiß:
Et iß im Läup diär testen Johre ne ganse Masse anders woren.
Düt un dät iß wual gerohen, doch iß viel gures äuk vergohn.
Üwerm grauten Wirtschaftswunder un manech nigemoidskem
Plunder schmäit me echte Werte futt
Jiä, et genk uß wual te gutt.
Wat sin vey doch no Kreygesjohren
wier verwient un schnögellch woren.
Manechmol denk ik, Laiwe Heer, düller gäiert gewiß nit mehr;
düt Gejachter un Gejage diär de Nächte, diär de Dage.
Wat sind se met' em Revolver fix.
En Menskenliäwen gellt doch nix.
Üwerall Krawalle, Mord, Hippis, Gammlers, Raudis, Sport.
Op diän Stroten äin Gedrümel, Autoschlangen un Gewiemel.
De Blagen wert met Motor graut, frog se no d* r Marke bläut.
Mercedes, Opel, BMW, et mindeste iß doch VW.
Äiner well doch üwem ändern.
Te Faute gohn oder näu wandern -
diär Wiesen un Feller un gar biärgop,
Menske pack dik mol viärn Kopp!
Hiäste'se näu all beynäin?
Do uawen suiste Sputniks tain un diu kuiers näu vam Wan-
Diu liäwes in ner ändern Welt näu!
Flug nom Mond, vey hett et saihn, äuk dät iß gerohn.
Überhaupt - diu muß et lehren,
modern un fortschrittlech te weren.
Fernsaihn, Tonband, Radio - na dät hiät äin jeder jo.
In Küke. Keller un diän Stuawen, alles elektrisch,
unnen un uawen.
Fiärt spailen, näggen, wasken un flicken
briukes diu mens op saun Knoipken te drücken.
Kino, Fautball, Jess un Jazz, Rockenrool, dät mäket Spaß.
Un op gans besonerem Mist, do wessen Dänse äse Twist.
Do weert hupset, zocket, zucket,
äse wann diusend Floih se ucket.
Met Flatterfliär un Sambasocken,
Hoore struwelich, wuisteLocken,
met Gammlerkopp un Nietenbüxen,
Schauh met Stöcke! Bleystiftspitzen.
Jiä, et ruiket no Kultur - äuk op Siuerlands grainer Flur -
un üwerall, bohine me kucket.
Un dai Rast. Dai wert dann drucket,
in Illustrierten un Journalen, van Schoinhaitsmiß un Bionalen,
van Nacktkultur un LSD, metsamt diäm ganßen Sexgedäh.
Luie näi, me gloiwert nit, wat et do viär Saken giet.
Im Fernsaihn - ik segget frank un frey:
Dät iß aismol ne Schweynerey!
Wat sin vey doch weyt viärwes schrieen.
Jiä, sau ändert iärk de Tieen.
Frögger schlaip me sik gesund op Sträusack un op Kawebund.
Un im Kreyge waß me tefriäen,
harre me en bitken Kriut te schmiären.
Na, doflär hlärt van Dage balle Jeder twärre an d1 r Galle.
Un statt Rugge, Schlop un Stille schluiket me ne Nervenpille.
Awer et mot viärwes gohn, ümme in düer Teyt te bestohn.
Domols viär diän vielen Johren,
do harren vey diän Kreyg ve tuaren.
Awer düen Dag, laiwe Mann, suiht sik dät ganß anders an.
Bomben, Kugeln, nix te iäten -
Näut un Däut iß längest vergiten.
Dät iß niu mol de Läup diär Welt.
Tempo-Tempo, Teyt iß Geld.
Jiä, ik wäit nit wat näu weren sall.
Ik maine, et gärte mol ne Knall
-un de Hiärguatt raip opmohl:
Schluß met Technik, Sucht un Prohl.
Schluß met Terror, Gier un Mord
-Ik sin de Heer un äiwig gellt meyn Wort.
|
